*सर्वोउपचार रुग्णालयातील अपघात कक्षातील डॉक्टरांचा हलगर्जीपणा*

*सर्वोउपचार रुग्णालयातील अपघात कक्षातील डॉक्टरांचा हलगर्जीपणा*

✍️उमेश इंगळे

   अकोला

अकोला: -  दि ०४/०६/२०२३ रोजी रात्री १:४५ वाजता चंद्रप्रकाश वानखडे रा चांदुर खडकी जी अकोला याचा कामावरून घरी जातांना गाडी घसरुन (स्लीप) अपघात झाला.उमेश सुरेशराव इंगळे महासचिव महाराष्ट्र राज्य रुग्णसेवक व श्रमिक कामगार संघटना महाराष्ट्र राज्य यांनी व त्यांच्या भाऊ व मित्र मंडळी नी त्याला तात्काळ सर्वोपचार रुग्णालयात तपासणी व उपचारासाठी घेऊन गेले असता, अपघात कक्षातील डॉक्टर यांनी वरच्या वर तपासणी करून सिटीस्कॅन करून या असे सांगितले . रुग्णांना घेऊन त्यांचे नातेवाईक ओझोन हॉस्पिटल मधुन सिटीस्कॅन करून आणले असता ,सर्वोपचार रुग्णालयातील ८ डॉक्टर पैकी काही डॉक्टर झोपलेले होते व बाकी गप्पा करण्यात मग्न होते.त्यांना उमेश सुरेशराव इंगळे महासचिव महाराष्ट्र राज्य रुग्णसेवक व श्रमिक कामगार संघटना यांनी हटकले असता त्यांनी रुग्णांची तपासणी केली व नागपुर ला रेफेर करण्यासाठी सांगितले.पंरतु त्या रुग्णाला येवढा मार लागल्या नंतर ही अपघात कक्षातील डॉक्टरांनी साधी मलमपट्टी (ड्रेसिंग) केली नाही.त्यांना सांगितल्यानंतर ही त्यांनी त्यांची काही गरज नाही असे सांगून मोकळे झाले परंतु रुग्णांला झालेल्या जखमेतून रक्त येत होते.उमेश इंगळे यांनी CMO  ला सांगितले तरी पण CMO व इतर डॉक्टर आपल्या खुर्चीवरून उठायला तयार नव्हते. अपघात कक्षातील डॉक्टर रुग्णालयात झोपा काढायला येतात का ? असा प्रश्न उमेश इंगळे यांनी केला आहे.अपघात कक्षातील डॉक्टर आपल्याशी अतिशय उद्धटपणे बोलले. अश्या बेजबाबदार व रुग्णांच्या उपचारात हलगर्जीपणा करणाऱ्या  दि.०४/०६/२०२३ रोजी अपघात कक्षात कार्यरत डॉक्टरला निलंबित करा अन्यथा महाराष्ट्र राज्य रुग्णसेवक व श्रमिक कामगार संघटना महाराष्ट्र राज्य तिव्र आंदोलन छेडेल यांची नोंद घ्यावी अशी मागणी उमेश सुरेशराव इंगळे महासचिव महाराष्ट्र राज्य रुग्णसेवक व श्रमिक कामगार संघटना महाराष्ट्र राज्य यांनी जिल्हाधिकारी निमा अरोरा मॅडम, शासकीय वैद्यकीय महाविद्यालय अधिष्ठाता डॉ मिनाक्षी गजभिये यांना ईमेल व आपले सरकार पोर्टल द्वारे दिलेल्या निवेदनाद्वारे केली आहे