*सामाजिक कार्यकर्ता उमेश इंगळे यांच्या निवेदनाची दखल* *अपघातास आमंत्रण देणाऱ्या झाडांची मनपा अग्निशमन दलाने केली कटाई*

*सामाजिक कार्यकर्ता उमेश इंगळे यांच्या निवेदनाची  दखल*

अपघातास आमंत्रण देणाऱ्या झाडांची मनपा अग्निशमन दलाने केली कटाई

अकोला:- रस्त्याच्या कडेला असलेल्या व अपघातास आमंत्रण देणाऱ्या झाडांची कटाई करा अशी मागणी सामाजिक कार्यकर्ता उमेश सुरेशराव इंगळे यांनी महानगरपालिका आयुक्त कविता द्विवेदी यांना दिलेल्या निवेदनाद्वारे केली होती.नविन बांधण्यात आलेल्या निमवाडी ते हुतात्मा चौका पर्यंत च्या उड्डाणपुलाच्या व मध्यवर्ती कारागृहाच्या भिंतींला लागुन असलेल्या झाडाच्या फांद्या खुप मोठ्या प्रमाणात वाढल्या असुन अपघात होण्याची दाट शक्यता निर्माण झाली आहे. पावसाळ्यात पाऊसामुळे हे फांद्या खुप खाली लोंबकळत असुन वाहतुकीसाठी अडथळा निर्माण होत आहे. तर काही झाडाच्या फांद्या हे निमवाडी ते हुतात्मा चौका पर्यंत असलेल्या उड्डाणपुलाच्या मधोमध जात असुन वाहन चालवताना उड्डाणपुलावर अपघात होऊ शकतो.म्हणुन या झाडांच्या फांद्याची कटाई करण्यात अशी मागणी सामाजिक कार्यकर्ता उमेश सुरेशराव इंगळे यांनी केली होती त्यांच्या मागणीची दखल घेत महानगरपालिका आयुक्त कविता द्विवेदी यांनी अग्निशमन दलाच्या जवानांना सदर झाडाची कटाई करण्यास सांगितले.व आज अग्निशमन दलाच्या जवानांनी सदर झाडाची कटाई केली याबद्दल सामाजिक कार्यकर्ता उमेश सुरेशराव इंगळे यांनी महानगरपालिका आयुक्त कविता द्विवेदी व अग्निशमन दलाच्या जवानांचे आभार मानले.