यवतमाळ:जिल्हा विधी सेवा प्राधिकरण आणि जिल्हा पोलीस प्रशासनामार्फत आयोजित वाहतूक नियमाबाबतच्या मोटरसायकल रॅलीचे जिल्हा न्यायाधीश एस. आर. शर्मा, पोलीस अधीक्षक डॉ. पवन बनसोड, जिल्हा वकील संघाचे अध्यक्ष संजय जैन यांच्या हस्ते हिरवी झेंडी दाखवून उद्घाटन करण्यात आले. या रॅलीमध्ये न्यायालय आणि पोलीस प्रशासनातील अधिकारी- कर्मचाऱ्यांनी उत्स्फूर्तपणे सहभागी होऊन जनजागृती केली.
या मोटर सायकल रॅलीमध्ये न्यायीक अधिकारी जिल्हा वकील संघाचे सर्व वकील, उपविभागीय पोलीस अधिकारी, न्यायालयीन कर्मचारी, नेहरू युवा मंडळाच्या सदस्य, टीडब्लूजे असोसियेशन व फाऊंडेशनचे कर्मचारी आणि पोलिस कर्मचारी मोठ्या संख्येने उपस्थित होते. ही मोटरसायकल रॅली जिल्हा व सत्र न्यायालये येथून एस.बी. आय. चौक ते हनुमान आखाडा- एल. आय. सी चौक ते दत्त चौक, आर्णी नाका, संविधान चौक ते शहरातील मुखय बाजार पेठेमधून काढण्यात आली. जिल्हा वाहतूक शाखा रॅलीची सांगता करण्यात आली.
- रोल प्लेच्या माध्यमातून विद्यार्थ्यांकडून संरक्षणाचा संदेश
या मोटर सायकल रॅली अगोदर वाहतुकीचे नियम आणि रस्ता सूरक्षा बाबत महात्मा ज्योतीबा कॉलेज ऑफ सोशल वर्क च्या विद्यार्थ्यांकडून रोल प्लेच्या माध्यमातून संरक्षणाचा संदेश देण्यात आला.