वणी: पोलिस स्टेशन हद्दीतील भांदेवाडा येथे वणी पोलिसांनी छापा टाकून सात इसमांना ताब्यात घेतले. वणी पोलिसांना गुप्त माहिती मिळाल्या वरुन ठाणेदार अजीत जाधव यांच्या मार्गदर्शनाखाली पोलीसांनी भांदेवाडा येथे जि.प. शाळेच्या पाठीमागे जुगार खेळत असताना जाऊन रेड केली असता.त्या ठिकाणी सात इसम कटपत्ता नावाचा जुगार खेळताना मिळून आले.
राहुल नानाजी गोरे,२९ वर्ष, नामदेव अर्जुन आत्राम,५४ वर्ष, मिलिंद वसंता डंभारे, ४५ वर्ष, सुर्यभान रमेश देवाळकर,२६ वर्ष, शंकर यादव खापणे ४५ वर्ष, चंद्रभान रमेश देवाळकर ३० वर्ष सर्व रा. भांदेवाडा पवन शेषराव बरडे २५ वर्ष रा. निंबाळा यांचे कडून तासपत्ते व नगदी ५४,४२० असा एकुण ५४,४७० रूपयाचा मुद्देमाल जप्त करण्यात आला.
सदर इसमावर कलम १२ अ महाराष्ट्र जुगार अधिनियम अंतर्गत गुन्हा दाखल करून अटक करण्यात आली सदरची कारवाई, सपोनी माधव शिंदे, सुदर्शन वानोळे,पंकज उंबरक,हरिंद्रकुमार भारती, विशाल गेडाम, गजानन कुडमेथे.यांनी केली.