पोलीस स्टेशन यवतमाळ शहर व लाडखेड हद्दीत सुरु असलेल्या हातभट्टी दारूच्या रनींग भट्टीवर छापा कारवाई करून केला 94,400/- रु चा मुद्देमाल जप्त

स्थानिक गुन्हे शाखा, यवतमाळची कारवाई

यवतमाळ : दिनांक १६/१०/२०२३ रोज सोमवार ला

पो स्टे यवतमाळ शहर व लाडखेड हद्दीत सुरु असलेल्या हातभट्टी दारुच्या रनिंग भट्टीवर छापा कारवाई करुन केला 94,400/- रु चा मुद्देमाल जप्त स्थानिक गुन्हे शाखा, यवतमाळने कारवाई केली.

जिल्हात कोणत्याही प्रकारचे अवैध धंदे सुरु राहणार नाहीत व अवैध धंदयांचे समुळ उच्चाटन व्हावे याकरीता मा,पोलीस अधीक्षक डॉ.पवन बन्सोड यांनी पोलीस निरीक्षक स्थानिक गुन्हे शाखेला प्रभावी कारवाई करण्याचे आदेशीत केले होते. त्याच अनुषंगाने पोलीस निरीक्षक स्थानिक गुन्हे शाखा यवतमाळ यांनी त्याचे अधिनस्त पथकांना गोपनिय माहीती काढून प्रभावी छापा कारवाई करणे बाबत सुचना दिल्या आहेत.

त्यावरुन दिनांक 15/10/2023 रोजी स्थानिक गुन्हे शाखा, यवतमाळ कडील पथकाला मिळालेल्या गोपणीय माहितीचे आधारे पो.स्टे. लाडखेड हद्दीतील तिवसा शेत शिवरात हातभट्टी दारु गाळण्याचे ठिकाणी छापा कारवाई करुन आरोपी लक्ष्मण सोमाजी नैताम वय 59 वर्षे, हा दारु गाळप करत असतांना मिळुन आल्याने त्याचे कब्जातील गावठी दारु गाळण्याकरीता लागणारा मोहामाच सडवा, गावठी दारु व साहित्य असा एकुण 30,400/- रु किमंतीचा मुद्देमाल जप्त केला असुन आरोपी विरुध्द पो.स्टे. लाडखेड येथे महाराष्ट्र दारुबंदी कायदयान्वये गुन्हा नोंद केला आहे. त्याच प्रमाणे आज दिनांक 16/10/2023 रोजी स्थानिक गुन्हे शाखा, यवतमाळ कडील पथकाला गोपणीय माहिती मिळाली की, पो.स्टे. यवतमाळ शहर हद्दीतील चिमनीनाला करकडोह जंगल परिसरात इसम नामे हमीद छोटु रायलीवाले रा. गवळीपुरा तलावफैल यवतमाळ हा त्याचे नौकरांसह हातभट्टी दारु गाळत आहे. अशा माहिती वरुन छापा कारवाई केली असता आरोपी नामे हमीद छोटु रायलीवाले रा. गवळीपुरा तलावफैल हा पोलीसांची चाहुल लागल्याने घटनास्थळावरुन पळुन गेला परंतु दारु गाळप करणारे 1) रमजान छोटु उचे वय 45 वर्षे, 2) आमीन हिरा चौधरी वय 38 वर्षे सर्व रा. गवळीपुरा तलाव फैल यवतमाळ हे मिळुन आल्याने त्यांचे कब्जातुन दोन रबरी टयुब मध्ये असलेली 50 लिटर हा. भ. दारू तसेच चुलीवर ठेवुन असलेले दोन स्टील ड्रम मधील 100 लिटर मोहाचा सडवा व 32 नग ट्रॅक्टर टुयब मध्ये ठेवलेला 960 लिटर मोहामाच सडवा तसेच दारु गाळण्याचे इतर साहित्य असा एकुण 64,000 रु किमंतीचा मुद्देमाल जप्त केला असा असुन आरोपी 1) रमजान छोटु उचे वय 45 वर्षे, 2) आमीन हिरा चौधरी वय 38 वर्षे दोन्ही 3) हमीद छोटु रायलीवाले सर्व रा. गवळीपुरा तलाव फैल यवतमाळ यांचे विरुध्द पो.स्टे. यवतमाळ शहर येथे महाराष्ट्र दारुबंदी कायदयान्वये गुन्हा नोंद करण्यात आला आहे.

सदरची कारवाई ही मा. पोलीस अधीक्षक यवतमाळ डॉ. श्री. पवन बन्सोड, अपर पोलीस अधीक्षक श्री. पियुष जगताप, श्री. आधासिंग सोनोने, पोलीस निरीक्षक, स्था.गु.शा. यांचे मार्गदर्शनात सपोनि, गणेश वनारे, विवेक देशमुख, पोलीस अंमलदार, बंडु डांगे, साजीद शेख, अजय डोळे, बबलु चव्हाण, किशोर झेंडेकर, मिथुन जाधव, सोहेल मिर्झा, अमित झेंडेकर, रितुराज मेडवे, धनंजय श्रीरामे, सर्व स्थानिक गुन्हे शाखा, यवतमाळ यांनी यशस्वीरित्या पार पाडली आहे.