*निलंगा युवक काँग्रेसतर्फे शासनाच निषेध!!* *काळ्या फिती बांधून निवेदन, आंदोलन छेडण्याचाही इशारा*

*निलंगा युवक काँग्रेसतर्फे शासनाच निषेध!!*

*काळ्या फिती बांधून निवेदन, आंदोलन छेडण्याचाही इशारा*

    ✍️उत्तम माने

       लातूर

निलंगा :- शहरातील विद्यार्थांना शिक्षणासाठी लागणारे प्रमाणपत्र शासनाच्या गैरसोईमुळे मिळत नसल्यामुळे निलंगा युवक कांग्रेस तर्फे काळ्या फिती बांधून निवेदन देत निषेध नोंदवीला.

वरील विषयी सविस्तर वृत्त असे की नुकताच १२ वी व १० वीचा निकाल चांगला लागला त्यामुळे स्पर्धा वाढल्या सर्व महाविद्यालयांनी ऑनलाईन पद्धतीने पुढील शिक्षणासाठी प्रवेश अर्ज भरण्यासाठी कमी वेळ दिला आहे. त्यासाठी लागणारे कागदपत्रे उत्पन्न दाखला, जातीचे दाखले, रहिवाशी प्रमाणपत्र, आर्थिक दृष्ट्या दुर्बल घटक, राष्ट्रीय प्रमाणपत्र मिळण्यास तहसीलदार नसल्याने व ही कामे करण्यास ऑपरेटर कंत्राटी कर्मचारी एकच असल्याने खूपच गैरसोये होत आहे. यामुळे चांगली टक्केवारी घेऊनही विद्यार्थाचा एक वर्ष शिक्षणापासून वंचित राहावे लागेल अशी शक्यता वाटत आहे त्यामुळे तात्काळ संबंधित भागात चार कोतवालाची नेमणूक करण्यात यावी, तहसील परिसरातील दलालांचा कायमचा बंदोबस्त करण्यात यावे, विद्यार्थासाठी लागणारे कागदपत्रे एका दिवसात उपलब्ध करण्याची व्यवस्था करण्यात यावी अन्यथा युवक कॉंग्रेस तर्फे तीव्र आंदोलन छेडण्यात येईल याची दखल गांभीर्याने घ्यावी असे निवेदनात म्हटले आहे.

यावेळी कॉंग्रेस प्रदेश सरचिटणीस अशोकराव पाटील निलंगेकर, प्रा दयानंद चोपणे हि उपस्थित होते.

सदरील निवेदनावर युवक विधानसभा अध्यक्ष अमोल सोनकांबळे, युवक तालुका अध्यक्ष मदन बिरादार, शहर अध्यक्ष मुजीब सौदागर, तुराब बागवान, शाहनवाज पटेल, आवेज शेख, किरण पाटील, सावन पाटील, सबदर काद्री, गिरीष पात्रे, धनाजी चांदुरे, विशाल बिरादार, मुखतार बागवान, जगदीश सगर, सईद शेख, सोहेल शेख आदीच्या स्वक्षऱ्या आहेत.