*खून झालेल्या महिलेची बुवाबाजी तसेच जादूटोणाविरोधी कायदा संदर्भाने अधिक चौकशी करून कारवाई करणे बाबत महाराष्ट्र अंधश्रद्धा निर्मूलन समितीने दिले पोलीसांना निवेदन*

*खून झालेल्या महिलेची बुवाबाजी तसेच जादूटोणाविरोधी कायदा संदर्भाने अधिक चौकशी करून कारवाई करणे बाबत महाराष्ट्र अंधश्रद्धा निर्मूलन समितीने दिले पोलीसांना निवेदन*

✍️दिनेश झाडे

भारतीय  वार्ता

नाशिक:-बुवाबाजी करणारी शिंदे ता. जि. नाशिक गावातील जनाबाई भिवाजी बर्डे, शिवरत्न चौक, शिंदे गाव ही महिला देवाची गादी चालवण्याचे भासवून अनेक लोकांच्या अंधश्रद्धेचा गैरफायदा घेऊन बुवाबाजी करत होती. निकेश दादाजी पवार, जेलरोड, नाशिकरोड हा युवक देखील त्याच्या समस्या घेऊन या महिलेकडे समस्या निराकरण करण्यासाठी दोन वर्षापासुन जात होता परंतु त्याच्या समस्येचे निराकरण न झाल्याने व फसवणूक झाल्याचे लक्षात आल्याने त्याने या महिलेचा दिनांक 7 जुलै 2023 रोजी दुपारी खून केला. एखाद्या व्यक्तिचा खून करणे हे गुन्हाच आहे आणि अश्या गुन्ह्यासाठी गुन्हेगारांवर कायदेशीर करावी असे महाराष्ट्र अंधश्रद्धा निर्मूलन समितीने पोलिसांना दिलेल्या निवेदनात म्हटले आहे.

तथापि या खून झालेल्या महिलेने बुवाबाजीच्या माध्यमातून अनेक लोकांची अंधश्रद्धेतून फसवणूक केली असण्याची शक्यता आहे म्हणुन या महिलेच्या विरोधात देखील जादूटोणा विरोधी कायदा अंतर्गत योग्य ती कारवाई करावी. तसेच या महिलेकडे जाणार्‍या ज्या लोकांचे अंधश्रद्धेपोटी शोषण आणि फसवणूक झाली असेल अश्या लोकांनी नाशिकरोड पोलिसांकडे किंवा महाराष्ट्र अंधश्रद्धा निर्मूलन समितीकडे संपर्क करावा आणि पोलिस यंत्रणेने योग्य तो तपास या अनुषंगाने करावा असे आवाहन देखील महाराष्ट्र अंधश्रद्धा निर्मूलन समितीचे राज्य कार्यवाह प्रा डॉ सुदेश घोडेराव, राजेंद्र फेगडे आणि नाशिकरोड शाखेचे पदाधिकारी विजय खंडेराव यांनी पोलिसांना दिलेल्या निवेदनाद्वारे केले आहे.