वरोरा शहरात चार दिवसात दोन खून, मृतक परिवाराकडून अंत्यसंस्कार करण्यास विरोध, आधी मारेकरी पकडा नंतर अंत्यसंस्कार करू..

वरोरा : मागील चार दिवसात वरोरा शहरात दोन खून झाले असून  शहरात दहशतीचे वातावरण निर्माण झाले असून   वरोरा शहर खुनाचे शहर झाले आहे का ? असा प्रश्न सर्वसामान्य जनतेला पडायला लागला आहे, कारण अगदी चार दिवसाच्या अंतराने हा दुसरा खून असून अवैध धंदे याचे मूळ कारण असल्याचे प्रथमदर्शनी दिसत आहे. दोन दिवसांपूर्वी गांधी चौकात भर दिवसा निलेश ढोक नावाच्या मुलाने एका 26 वर्षीय अलाम नावाच्या मुलाचा खून केला होता त्याचा तपास सुरू असतांना आता सलग दुसरा खून झाल्याने वरोरा शहरात शांतता सुव्यवस्था बिघडली असल्याने नागरिक भयभीत झाले असल्याचे चित्र आहे

शनिवार  दिनांक 15 मे रोजी  सायंकाळी 7.15 च्या दरम्यान दोन ते तीन अज्ञात इसमानी अंबादेवी वार्ड येथील महादेव मंदिर जवळ असलेल्या झोपडीत साजिद शेख नावाच्या तरुणाचा गोळ्या झाडून खून केला असल्याचा खळबळजनक प्रकार उघडकीस आला. मृतक साजिद शेख हा आझाद वार्डात राहत असून तो अगोदर सट्टा चालवीत होता व आता गांजा विकत होता, तो एकटां असल्याच्या फायदा घेत दोन ते तीन आरोपींनी त्याच्यावर सहा राऊंड माऊजर ने दोन गोळ्या झाडल्या त्यापैकी एक छातीत तर दुसरी कानाखाली मारली विशेष म्हणजे आरोपींनी आपले शस्त्र (बंदूक ) मृतदेह  जवळ ठेवून पोबारा केला. आरोपी हे तोंडाला फडके बांधून असल्याने त्यांचा शोध आता पोलीस कशाप्रकारे घेणार यावर सर्व अवलंबून आहे. उपजिल्हा रुग्णालयाजवळ मृतक च्या परिवारातर्फे मृतक साजिद शेख यांच्या अंत्यसंस्कार करण्यास विरोध करण्यात आला त्याचे मारेकरी आधी पकडा नंतर अंत्यसंस्कार करू अशी ठाम भूमिका त्यांच्या कडून ठेवण्यात आली.