*पोखरी वासियांनी शिवाजी महाराज यांच्या जयंती निमित्त रक्तदान शिबिर*

*पोखरी वासियांनी शिवाजी महाराज यांच्या जयंती निमित्त रक्तदान शिबिर*

✍️वसंत जगताप

बुलढाणा जिल्हा प्रतिनिधी

बुलढाणा:-महाराष्ट्राचे आराध्य दैवत छत्रपती शिवाजी महाराज यांच्या जयंतीनिमित्त दि.20 फेब्रु. 2023 सोमवार रोजी मोताळा तालुक्यातील पोखरी या गावी राष्ट्रीय बजरंग दलाच्या वतीने रक्तदान शिबिर घेण्यात आले यावेळी गावकऱ्यांच्या वतीने मोठ्या प्रमाणात रक्तदान करण्यात आले, सर्वात श्रेष्ठ असलेले दान म्हणजे रक्तदान हे असते या उदात्त हेतूने पोखरी वासियांनी हे रक्तदान घडवून आणले शिवजयती दिनी गावामध्ये छत्रपती शिवाजी महाराजांना अभिवादन व शोभायात्रा वाजत गाजत काढण्यात आली दुसऱ्या दिवशी दिनांक 20 फेब्रुवारी 2023 रोजी गावकऱ्यांच्या वतीने भव्य रक्तदान शिबिराचे आयोजन करण्यात आले होते यावेळी 51 रक्तदात्यांनी रक्तदान केले व सर्वांसमोर एक वेगळा आदर्श निर्माण केला पोखरी गावातील आदर्श हा तालुका, जिल्हा नव्हे तर राज्यासह संपूर्ण देशात एक वेगळा आदर्श निर्माण करून देणारा आहे. यावेळी विशेष उपस्थितीत सावकारग्रस्त शेतकरी समिती बुलढाणाचे जिल्हा अध्यक्ष विशाल बावस्कर, गावचे सरपंच किशोर पाटील मराठी प्राथमिक शाळेचे शिक्षक सुधीर किन्होळकर व विनोद किन्होळकर हे होते तर संपूर्ण कार्यक्रमाचे नियोजन हे तेजराव पाटील, प्रतीक चिंचपुरे, अमोल मख, चेतन मख, सुदर्शन चिंचपुरे, दीपक गवई, प्रशांत जाधव, रवींद्र मख, अभिषेक खराटे, गणेश सोनवणे, राहुल तायडे यांनी केले तर रक्तदान करण्यामध्ये संपूर्ण गावकऱ्यांनी पुढाकार घेतला.