*भामरागड वनविभाग अंतर्गत येत असलेल्या गट्टा वनपरिक्षेत्रात रस्ता बांधकामामध्ये जगलातील अवैध गिट्टी -मुरुमाचा वापर करु देणाऱ्या वनपरिक्षेत्र अधिकारी यांना तात्काळ निलंबित करा:कुळवे यांची मागणी*

*भामरागड वनविभाग अंतर्गत येत असलेल्या गट्टा वनपरिक्षेत्रात रस्ता बांधकामामध्ये जगलातील अवैध गिट्टी -मुरुमाचा वापर करु देणाऱ्या वनपरिक्षेत्र अधिकारी यांना तात्काळ निलंबित करा:कुळवे यांची मागणी*

✍️मुनिश्वर बोरकर गडचिरोली.

गडचिरोली:- भामरागड वनपरिक्षेत्र अर्तंगत येत असलेल्या गट्टा वनपरिक्षेत्रात रस्ता व बांधकाम सुरु असलेल्या कामासाठी जंगलातील अवैध गिट्टी , मुरुम , मातीचा वापर राजरोसपणे करु देणाऱ्या वनरक्षक , वनपाल , वनपरिक्षेत्र अधिकारी आदि जबाबदार असुन यांना तात्काळ निलंबित करावे या मागणीसाठी आजपासुन सामाजीक कार्यकर्ते योगाजी कुळवे वनविभाग कार्यालय प्रादेशिक समोर साखळी उपोषणाला बसले आहेत. गट्टा वनपरिक्षेत्र अतंर्गत मेढरी , वांगेतुरी , गर्देवाडा या रोडवर जंगलातील अवैध रेती गिट्टीचा वापर संबधित ठेकेदारांनी केला त्यामुळे सदर कामात वनविभागाच्या अधिकाऱ्यांनी संबधित ठेकेदारावर कोणतीच कारवाई न करता त्याला अभय देण्यात आले. रस्त्याच्या ५०० मीटरचा अंतरावर अवैध गिट्टी व मुरमाचे उत्खनन करण्यात आले आहे प्रत्यक्षदर्शी दिसुन येत आहे. तसेच गट्टा वनपरिक्षेत्रात अवैध वृक्षतोड झालेली आहे. यामुळे वनविभागाचे करोडो रुपयाचे नुकसान झालेले आहे. यात ठेकेदार व वनविभागाचे अधिकारी मिलीभगत असुन वनविभागाचे अधिकारी व कर्मचारी यांचेवर त्वरीत कारवाई करून त्यांना तात्काळ निलंबित करण्यात यावे या मागणी साठी वनविभाग मुख्य कार्यालय प्रादेशिक गडचिरोली समोर सामाजीक कार्यकर्ते योगाजी कुळवे , रविंद्र सेलोटे , विलास भानारकर आदि उपोषणाला बसले आहेत.