ठाकूरसिंग बावरी यांचा पुरस्कार देऊन सन्मान..

ठाकूरसिंग बावरी यांचा पुरस्कार देऊन सन्मान..

     उत्तम माने

मो.नंः 8484878818

लातूर:-आखाडा बाळापूर दि. ०५/०२/२०२३ शीख शिकलकरी समाजाच्या प्रगतीसाठी पाठपुरावा करून शासनाच्या योजनांची माहिती देऊन लाभ मिळवून देण्यासाठी प्रयत्न करणाऱ्या ठाकूरसिंग बाबरी यांचा नांदेड येथील जिल्हाधिकारी कार्यालयातील नियोजन भवन येथे पुरस्कार देऊन सन्मान करण्यात आला.

नांदेड येथे सरदार रणजितसिंघ कामठेकर मित्रमंडळातर्फे आयोजित कार्यक्रमास नांदेड येथील सचखंड गुरुद्वाराचे संत बाबा ज्योतिंदरसिंघ, गुरुद्वारा लंगर साहिबचे संत बाबा बलविंदरसिंघ, अच्युत महाराज दस्तापूरकर, माजी खासदार भास्करराव पाटील खतगावकर, माजी आमदार ओमप्रकाश पोखर्णा, योगेश पाटील, प्रकाश महाले व व्यंकटेश जोशी यांच्यासह मान्यवर उपस्थित होते. राज्यामध्ये विखुरलेल्या अवस्थेत असलेल्या शीख शिकलकरी समाजाला एकत्रित करून त्यांच्या सामाजिक आर्थिक शैक्षणिक उन्नतीसाठी ठाकूरसिंग बावरी यांनी प्रयत्न चालवले आहेत. याशिवाय शासनाच्या विविध योजनांबाबत जनजागृती करून समाजाला या योजनांचा लाभही मिळवून दिला आहे. त्यांच्या कार्याची दखल घेऊन सरदार रणजितसिंघ कामठेकर मित्रमंडळाच्या वतीने त्यांना पुरस्कार देऊन सन्मानित करण्यात आले आहे. ठाकूरसिंग बावरी यांना पुरस्कार मिळाल्याबद्दल सुरेशराव वडगावकर, डॉ. संतोष बोंढारे, बाबुराव वानखेडे, अनिल बोंढारे, पत्रकार विनायक हेंद्रे, प्रशांत सूर्यवंशी दिलीप मिरटकर, दिलीप देशमुख, ज्ञानेश्वर पतंगे, विठ्ठल पंडित, सुभाष ठमके व आनंद बलखंडे यांनी अभिनंदन केले.