*जिल्हास्तरीय प्राणीक्लेष प्रतिबंध सोसायटीत नविन अशासकिय सद्स्यांसाठी अर्ज आमंत्रित*

यवतमाळ,दि.२८फेब्रुवारी (जिमाका): -

प्राण्यांना त्रास होणार नाही याबाबत काळजी घेण्यासाठी ग्रामीण भागात व्यापक स्तरावर जनजागृती व्हावी यासाठी केंद्र शासनाच्या प्राणी क्लेष प्रतिबंधक अधिनियमान्वये यवतमाळ जिल्ह्यात प्राणी क्लेष प्रतिबंधक सोसायटीची स्थापना करण्यात आली होती.

सदर जिल्हास्तरीय प्राणिकलेश प्रतिबंधक समितीच्या अशासकीय सदस्यांची नियुक्तीची  तीन वर्षाचा कालावधी पूर्ण झाल्यामुळे नवीन अशासकीय सदस्यांची नियुक्ती करण्यासाठी

प्राण्यांच्या कल्याणासाठी काम करणाऱ्या व प्राणीप्रेमी व्यक्ती, संस्थांकडुन अर्ज मागविण्यात येत आहे.

केंद्र शासनाच्या प्राणी क्लेश प्रतिबंधक अधिनियम १९६० मधील तरतुदीची प्रभावी अंमलबजावणी करण्यासाठी प्राणी क्लेश प्रतिबंधक नियम २००१ मधील नियम ३ च्या उपनियम १ अन्वये  १४ मार्च २०१७ च्या अधिसूचनेद्वारे राज्यातील प्रत्येक जिल्ह्यामध्ये प्राणी क्लेश प्रतिबंधक सोसायटीची स्थापना करण्यात आली आहे.

त्याकरिता १)अशासकीय सदस्यांमध्ये एक नोंदणीकृत गोशाळा किंवा पांजरपोळ या संस्थेमधून एक सदस्य २)प्राण्याच्या कल्याणासाठी काम करणाऱ्या धर्मदाय संस्थेतील व्यक्ती यापैकी दोघांची निवड ३)सर्वसाधारण मंडळांनी नामनिर्देशित केलेल्या व्यक्ती पैकी दोन सदस्य ४) प्राण्यांच्या कल्याणासाठी काम करणाऱ्या व प्राणीप्रेमी व मानवतेच्या दृष्टिकोनातून काम करणाऱ्या व्यक्ती मधून पाच ते सहा सदस्य अशाप्रकारे नियुक्ती करण्यात येते. सदर अशासकीय सदस्यांची नियुक्ती कालावधी संपल्यामुळे नविन अशासकिय सदस्यांची नियुक्ती  करण्यासाठी सदर अर्ज मागविण्यात येत आहे.

तरी इच्छुकांनी (प्राण्याविषयी सेवाभावी वृत्ती तसेच गोशाळा,पांजरपोळ संबंधित कार्य करणारे)अर्ज करण्यासाठी पशुसंवर्धन उपायुक्त कार्यालय,हनुमान आखाडा जवळ,चांदणी चौक,यवतमाळ या कार्यालयात  ३ मार्च २०२३ पर्यंत विहित पध्दतीने फोटोसह अर्ज सादर करावे. सदर अर्ज  पशुसंवर्धन उपायुक्त

कार्यालयात उपलब्ध असून अधिक माहितीसाठी ९४२०१२७७८५ या भ्रमणध्वनीवर संपर्क साधावा, असे आवाहन जिल्हा पशुसंवर्धन उपआयुक्त डॉ.राजेंद्र अलोणे यांनी केले आहे.

          ०००००००