*युक्तिवाद जेव्हा संपतो तेव्हा शक्तीवादाशिवाय*पर्याय नसतो.*_ मिलिंद चिमोटे

भारतीय वार्ता :गणेश खडसे 

"कोणत्याही संघर्षामध्ये जेव्हा युक्तिवाद संपतो तेव्हा शक्तीचे प्रदर्शन केल्या खेरीज पर्याय राहत नाही" असे प्रतिपादन प्रदेश काँग्रेस चे प्रवक्ते तथा अमरावतीचे माजी महापौर मा. मिलिंद भाऊ चिमोटे यांनी केले. ते स्थानिक बाबाजी दाते कला आणि वाणिज्य महाविद्यालय यवतमाळ च्या धरणे आंदोलन मंडपात बोलत होते. प्राध्यापकांच्या मागण्या अगदी रास्त असून आता आंदोलनाची धार अधिक तीव्र करून यवतमाळ जिल्ह्यातील सर्व संघटना आणि माजी विद्यार्थी यांना आंदोलनात सहभागी केल्याशिवाय प्रशासन जागे होणार नाही, या सर्व संघर्षा मध्ये मी आणि माझा पक्ष सर्व शक्तिंनिशी सोबत आहोत, असेही त्यांनी या प्रसंगी स्पष्ट केले. प्रा.डॉ.शशिकांत चौधरी माजी व्यवस्थापन परिषद सदस्य, प्रा.डॉ.संजय देशमुख, विद्या परिषद सदस्य संत गाडगेबाबा अमरावती विद्यापीठ अमरावती आणि अमरावती नु टा चे माजी अध्यक्ष प्रा.डॉ. विलास ठाकरे, प्रा.सुरेश वरभे,प्रा. डॉ.मार्कस लाकडे या सर्वांनी आपल्या भावना व्यक्त करून संपूर्ण पाठिंबा दर्शविला.

तसेच जिल्हा मुख्याध्यापक संघाचे अध्यक्ष प्रकाश भूम काळे, श्री नीरज डफळे, भू मन्ना बोमकोंटीवार आणि श्री निलेश तायडे आणि प्रा.सदानंद बोळे यांनी आवर्जून भेटी देऊन पाठिंबा दर्शविला.