*यवतमाळ येथे श्री राम जन्मोत्सव शोभायात्रा समिती च्या कार्यालयाचे उद्घाटन*

भारतीय वार्ता 

यवतमाळ मध्ये भव्य दिव्य आयोजन होत असलेल्या रामनवमी उत्सवासाठी जय्यत तयारी सुरू झाली आहे. करिता श्रीरामजन्मोत्सव शोभायात्रा समिती कार्यालयाचे उदघाटन संपन्न झाले. अवधुतवाडी व्यायाम शाळेसमोर गाळ्यांमध्ये हे कार्यालय सुरू झाले. या महिन्यात 30 मार्च रोजी श्री राम नवमी उत्सव आहे. त्यानिमित्त दरवर्षीप्रमाणे यंदाही शहरातून प्रभू श्रीरामाची भव्य दिव्य शोभायात्रा आयोजित करण्यात येत आहे. या उत्सवाकरिता विश्व हिंदू परिषद व बजरंग दल चे कार्यकर्ता वेग वेगळ्या समिती मध्ये कार्य करून आपली जबाबदारी पार पाडत असतात.   या उद्घाटन कार्यक्रमात राष्ट्रीय स्वयं सेवक संघाचे विभाग प्रचारक अनुप कटारे , विश्व हिंदू परिषद विभाग मंत्री राम लोखंडे,विश्व हिंदू परिषद जिल्हा अध्यक्ष संतोष हरणखेडे प्रमुख उपस्थित होते यावेळी श्री राम नवमी शोभायात्रा समिती मध्ये वेग वेगळ्या समिती गठित करण्यात आल्या ज्यामध्ये शोभायात्रा निघणाऱ्या मार्गावर ध्वज लावले , बाईक रॅली, झाकी समिती, सुरक्षा समिती अश्या समिती तयार करण्यात आल्या, राम नवमी पर्यंत कार्यकर्त्यांच्या 10 मोठ्या बैठक होणार आहे. तसेच बजरंग दल चे 1000 कार्यकर्ता या शोभा यात्रे मध्ये सुरक्षा समिती ची जबाबदारी सांभाळणार आहे अशी माहिती राम लोखंडे यांनी दिली. या प्रसंगी शेकडो कार्यकर्ता, दुर्गा वहिनी कार्यकर्ता उपस्थित होते.