शिवप्रेमींनो, छत्रपती शिवाजी महाराजांच्या जीवनकार्यावर आधारीत ‘जाणता राजा’ महानाट्य पाहिले का ?

यवतमाळात उद्यापासून सलग तीन दिवस प्रयोग सादर होणार,शिवप्रेमी, नागरिकांनी या महानाट्याचा लाभ घेण्याचे जिल्हा प्रशासन यवतमाळ चे आवाहन

यवतमाळ: छत्रपती शिवाजी महाराज यांच्या ३५० व्या राज्याभिषेक वर्षानिमित्त सांस्कृतिक कार्य संचालनालय व जिल्हा प्रशासनाच्यावतीने शिवाजी महाराजांच्या जीवनकार्यावर आधारीत ‘जाणता राजा’ या महानाट्याचे २९ ते ३१ जानेवारी दरम्यान आयोजन करण्यात आले आहे. या महानाट्यात जवळपास २०० कलावंतांचा सहभाग राहणार आहे.

तीन दिवशीय महानाट्याचे उद्घाटन दि.२९ जानेवारी रोजी सायंकाळी ५.३० समता मैदान येथे होईल. शिवप्रेमी नागरिकांनी या महानाट्याचा लाभ घ्यावा, असे आवाहन प्रशासनाकडून  करण्यात आले आहे.