*गणपती सजावट स्पर्धेचे बक्षीस वितरण* *पोलीस निरीक्षक अनिल बेहरानी यांनी केले उपक्रमाचे कौतुक*

*गणपती सजावट स्पर्धेचे बक्षीस वितरण*

*पोलीस निरीक्षक अनिल बेहरानी यांनी केले उपक्रमाचे कौतुक*

✍️रमेश तांबे

वणी तालुका प्रतिनिधी

वणी : -घरगुती गणपती अनेकांच्या घरी बसवण्यात येतो. प्रत्येक गणेश भक्त आपल्या घरी गणरायाच्या सेवांमध्ये उत्कृष्ट अशी सजावट करतात. त्यामुळे या आकर्षक देखाव्याचा सन्मान व्हावा. याकरिता तिरूमल्ला तिरुपती क्रेडिट को-ऑपरेटिव सोसायटी, पोलीस स्टेशन वणी, संस्कार भारती समिती वणी तर्फे घरगुती गणपती पर्यावरण पूरक सजावट स्पर्धा आयोजित करण्यात आली होती. या स्पर्धेत 167 जणांनी भाग घेतला असून ही स्पर्धा वणी, लालगुडा, वागदरा, गणेशपुर व चिखलगाव येथील गणेश भक्तांसाठी आयोजित करण्यात आली होती.   या स्पर्धेचे बक्षीस वितरण जैताई देवस्थान येथे पोलीस निरीक्षक अनिल बेहरानी, जैताई देवस्थान चे अध्यक्ष माधव सरपटवार, संस्कार भारती समिती वणीच्या अध्यक्षा रजनी पोयाम, मुन्ना महाराज व पारसमल चोरडिया फाऊंडेशन चे ऍड. कुणाल चोरडिया यांच्या हस्ते देण्यात आले.  प्रथम बक्षीस वैशाली वातीले, द्वितीय बक्षीस सुमित ठाकूर, नितेश झट्टे व तृतीय बक्षीस स्वप्नील दहीवलकर, क्रीष्णा कोमरेड्डीवार तसेच प्रोत्साहन पर ऋषी राऊत, जयंत वाघमारे, निशा ढुमणे, कुणाल जंगीलवार, रोहित डवरे, टिकेश किन्हेकार यांना प्राप्त झाले. बक्षीस वितरण कार्यक्रमाचे सूत्र संचालन डॉ. अमृता अलोणे यांनी केले असून या स्पर्धेचे नियोजन साठी तिरूमल्ला तिरुपती क्रेडिट को-ऑपरेटिव सोसायटी राकेश खामनकर अभय पारखी, अतुल डफ, अमित उपाध्ये, शेखर वांढरे, सागर मुने यांनी परिश्रम घेतले.