अल्पवयीन मुलीवर बलात्कार,हत्याप्रकरणी कारवाई करावी.

शीख समाजाकडून निषेध; उपविभागीय अधिकाऱ्यांना निवेदन,,

पांढरकवडा:-   तेलंगाणातील हैद्राबाद येथील सुभाष नगर येथे शीख समाजातील अल्पवयीन मुलीवर सामुहिक बलात्कार करुन पीडितेस चौथ्या मजल्यावरून खाली फेकून तिची निघृण हत्या करण्यात आली. या घटनेचा पांढरकवडा येथील शीख समाजातील नागरिकांनी तीव्र शब्दात
निषेध केला. या सामुहिक बलात्कार प्रकरणातील आरोपींना तात्काळ
अटक करुन त्यांच्यावर कठोर कारवाई करावी. 

अशी मागणी उपविभागीय अधिकाऱ्यांमार्फत तेलंगणचे मुख्यमंत्री के. चंद्रशेखर राव यांना पाठविलेल्या निवेदनातून केली आहे. हैद्राबाद येथील रंगारेड्डी सुभाष नगर येथील शिख समाजाच्या एका अल्पवयीन मुलीवर १४ फेब्रुवारी रोजी.रात्री ११ वाजता दरम्यान तिच्यावर सामुहिक बलात्कार करून तिला चौथ्या मजल्यावरून खाली फेकून तिची हत्या केली. या घटनेला एका आठवड्या पेक्षा जास्त कालावधी लाटलेला आहे. 

असे असतांना हैद्राबाद पोलिसांनी त्यातील दोषी आरोपींना अटक केलेली नाही. त्यामुळे शिख समाजातून संतप्त प्रतिक्रीया उमटत आहे.
हैद्राबाद पोलिसांनी घटनेचे गांभीर्य ओळखून जलद गतीने तपास करुन
आरोपीस जेरबंद करून कठोर शिक्षा होण्याकरिता प्रयत्न करणे गरजेचे
आहे. मात्र, हैद्राबाद पोलिसांचा तपास अतिशय संथगतीने सुरु असल्याने
शिख समाजातून रोष व्यक्त करण्यात येत आहे. पांढरकवडा येथील शिख
समाज बांधवांनी या प्रकरणातील दोषीवर तात्काळ कार्यवाही
होण्याकरिता तेलंगाणासह महाराष्ट्राचे मुख्यमंत्री उद्धव ठाकरे यांना सुध्दा निवेदन पाठविले आहे. 

निवेदन देतेवेळी हरपालसिंग चोपडा, जगदिपसिंग काळे, जसविंदरसिंग बिसनसिंघ शिंदो, जितेन्द्रसिंघ कोंघारेकर, भारतसिंघ खिच्ची, बलविंदरसिंघ जुनी, अर्जुनसिंग खिच्ची, सिंधुसिंघ बावरे, मंगलसिंघ बावरे, राजेन्द्रसिंघ जुन्नी, प्रदिपसिंघ जुन्नी, सुखासिंघ जुनघरे, रुपसिंघ चहाल आदी समाज बांधव उपस्थित होते.