यवतमाळ जिल्ह्यातील पांढरकवडा येथे आदिवासी समाजाचा भव्य मोर्चा

क्रांतिवीर शामा दादा कोलाम आदिवासी संघटना यवतमाळ, गोंडवाना संग्राम समिती, गोंडवाना, जंगोम समिती, आदिवासी काँग्रेस समिती.इत्यादी चा पुढाकार

पांढरकवडा: आदिवासी विकास विभागाच्या बोगस आश्रमशाळांची कायम स्वरूपी मान्यता रद्द करण्यासाठी तसेच संस्थाचालक यांनी आश्रम शाळांमध्ये भौतिक सुविधा संदर्भात करोडो रुपयाचे शासकीय अनुदान घेतले,परंतु सदर आश्रम शाळांमध्ये कोणत्याच प्रकारच्या भौतिक सुविधा नाही .जवळपास 25 ते 30 वर्षापासून अनुदान संस्थाचालकांनी हडप केले आहे .

याप्रकरणी या दोषी संस्थाचालक यांच्याविरुद्ध भारतीय दंड संहिता अधिनियम 420 वर 468 अंतर्गत फौजदारी कार्यवाही करून त्यांच्याविरुद्ध ॲट्रॉसिटी ॲक्ट अंतर्गत गुन्हा दाखल करावा.मणिपूर येथील आदिवासी महिलावर जो अन्याय अत्याचार झालेला आहे त्या संदर्भात मा.प्रधानमंत्री यांनी कार्यवाही करावी व जे दोषी आहे त्यांना फाशीची शिक्षा देण्यात यावी. तसेच आदिवासी विकास विभागामार्फत ज्या योजना चालवल्या जातात त्या योजनांमध्ये प्रचंड प्रमाणात भ्रष्टाचार आहे .त्याची सुद्धा चौकशी करावी या अनेक विविध मागण्यासाठी काल मंगळवार दिनांक 25 जुलै2023 ला आदिवासी बांधवांचा पांढरकवडा येथे भव्य मोर्चा काढण्यात आला होता. यावेळी माननीय मुख्यमंत्री साहेब महाराष्ट्र राज्य व माननीय आदिवासी विकास मंत्री साहेब यांनी,आदिवासी समाजाच्या मागणीबाबत तात्काळ कार्यवाही करावी या बाबतचे निवेदन ही यावेळी पाठविण्यात आले.